बंद घराच्या दरवाजाचे कडी कुलूप तोडून चोरट्यांनी घरातील कपाटात ठेवलेले सुमारे ६६ हजार रुपये किमतीचे सोन्या-चांदीचे दागिने चोरून नेले. ही घटना नगर- मनमाड रोडवरील बोल्हेगाव फाटा येथे सोमवारी दि.३१ ते मंगळवारी दि.१ च्या दरम्यान घडली.
अहमदनगर लाईव्ह : याबाबत पोलिस सूत्रांकडून समजलेली माहिती अशी की, प्रतीक अरविंद कांबळे रा. बोल्हेगावफाटा अहमदनगर. यांच्या बंद घराचे कुलूप तोडून चोरट्यांनी घरातील सामानाची उचकापाचक केली. व बेडरूममधील कपाटाचे लॉकर तोडून
६६ हजार रुपये किंमतीचे सोन्या- चांदीचे दागिने व रोख रक्कम असा ऐवज चोरून नेला. याबाबत प्रतीक कांबळे यांनी दिलेल्या फिर्यादीवरून तोफखाना पोलीस ठाण्यात घरफोडी चोरीच्या गुन्ह्याची नोंद करण्यात आली आहे. अधिक तपास पोलीस नाईक गाजरे हे करीत आहेत..